බෑන් කී මූන් මහතාගේ මෙම තීරණය ගැන නොදන්නා අප ‘මාරාන්තික’ උපවාසකාර ඇමැති වීරවංශ මහතා පසුගිය සති අන්ත පුවත් පතකට කරන ලද සම්මුඛ සාකච්ඡුාවකදී මෙසේ පවසා ඇත.
‘මගේ උපවාසය රංගනයක් නම් දින තුනකට කිලෝ තුනක් බර අඩුවෙන්න විදියක් නෑනේ. රංගනයකට හරි මිනිහෙකුට තුන්මුල්ල හන්දියේ අට්ටාලයක් උඩ දවස් තුනක් ඉන්න එකත් ලේසි නෑනේ. මේක රංගනයක් නම් බන් කී මූන්ට (වීරවංශ මහතා උච්චාරණය කරන්නේ ‘බන්’ යනුවෙනි* යම් යම් ප‍්‍රකාශ නිවේදන නිකුත් කරන්න වෙන්නෙ නෑනේ. මේ සටන ජයග‍්‍රාහී තලයකට ගේන්න හැකි වීම ගැන අධිරාජ්‍යවාදීන්ට කත් අදින බලවේග කුපිත වෙලා.’.....
‘බන් කී මූන් එන්න හදන්නේ මොකාටද කියන එක ගැන දින තුනකින් ජනතාවට අවබෝධයක් දෙන්න අපට පුළුවන් වුනා. එ් හරහා ලෝකයට පෙන්වන්න පුළුවන් කම ලැබුනා මේ රටට හතුරු තීරණයක් ගත්තොත් රටේ නායකයන් නිකම් ඉන්නෙ නෑ කියලා.
රට වෙනුවෙන් දිවි දෙන්න සමත් ජනතාවක් ඉන්න බව ගැඹුරු ලෙස එත්තු ගන්වන්න පුළුවන් කම ලැබුණා. දැන් ඉතින් බන් කී මූන් ලංකාව ගැන තීරණයක් ගන්න කොට දෙවතාවක් නොවෙයි සිය වතාවක් හිතන්න පෙළඹෙනවා.
ප‍්‍රශ්ණය: ‘ඔබ කිව්වේ උපවාසය නතර වන්නේ එක්කෝ මරණයෙන් නැතිනම් බෑන් කී මූන් කමිටුව අකුලා ගැනීමෙන් කියලයි. නමුත් බෑන් කී මූන් කමිටුව අකුලා ගත්තේ නෑ. ඔබේ උපවාසය නතර වුනා.’
‘මගේ අධිෂ්ඨානය තිබුනේ සටන ජයග‍්‍රහණයෙන් නැතිනම් මරණයෙන් කෙළවර කිරීමටයි. එත් සංවිධායකයන්ට මහජනතාවගෙන් විශාල පීඩනයක් එල්ල වෙලා තිබුණා. ඇයි වීරවංශට මෙහෙම මැරෙන්න අරින්නේ, ඔයගොල්ලන්ට ඕන වීරවංශ මරාගන්නද? කියලා. යම් යම් පිරිස් සූදානම් වෙලා තියෙනවා නතර නොවෙනවානම් බලහත්කාරයෙන් මාව අරගෙන අරගෙන යන්න. තව සමහරු ගිනි තියාගන්න සූදානමින් ඉඳල තියෙනවා. මේ සියල්ල මධ්‍යයේ තමයි අපේ දේශපාලන මණ්ඩලය තීරණය කරන්නේ.. ඇත්තටම ඔවුන් තමයි තීරණය කරන්නේ...මම නොවෙයි තීරණය කරන්නේ, ජනාධිපතිවරයාගේ පැමිණීමෙන් පසු උපවාසය නතර කරන්න. ඔවුන් එක මට යෝජනා කළා. මම ප්රතික්ෂේප කළා. නමුත් දේශපාලන මණ්ඩලය තීරණයක් අරගෙන තියෙනවා. මගේ අනුදැනුමකින් තොරව සිද්ධි පෙළ ගැහිල තියෙනවා.’
මූන්ගේ තීරණය ගැන නොදත් ‘මාරාන්තික’ උපවාසකාර ඇමැති වීරවංශ මෙසේ කි
ප‍්‍රශ්ණය: ‘මෙතනින් එහාට බෑන් කී මූන්ගේ කමිටුවේ ඉරණම කුමක් වෙයිද?’
‘කමිටුවට විතරක් නොවෙයි, බන් කී මූන්ටත් ලංකාව ගැන තීරණයක් ගන්නවනම් මෙතනින් එහාට සිය දහස් වාරයක් හිතන්න වෙනවා. අපි ඔප්පු කරල පෙන්නුවා රටම සටන් කඳවුරක් කරන්න අපි ලෑස්තියි කියලා. මම මාරාන්තික උපවාසය කරනකොට දහ දොලොස් දෙනෙක් හිටියා මාව නැගිටුවලා ඔවුන් උපවාසයට වාඩි වෙන්න. ගිනි තියාගන්න පිරිස් හිටියා. මේ තත්ත්වය නොසලකා හැර එ් අයට තීන්දු ගන්න බෑ. අපි බලමු උන්නැහේගෙ කමිටුව ඊ ලඟට කරන්නෙ මොකක්ද? කියලා.’
මේ අනුව වීරවංශ මහතාට ‘මාරාන්තික තරඟයට’ අවතීර්ණ වීමට යළිත් වරක් අවස්ථාවට උදා වී ඇත.
පුවත් අනුග්‍රහය ලංකා ඊ නිව්ස්
